Мектепке дейінгі балалар ұйымына жолдама қалай алуға болады
Мектепке тіркеу үшін құжаттарды қабылдау
“Заң және менің қүқығым”...
Текст
"Ақмола облысы білім басқармасының Бұланды ауданы бойынша білім бөлімі Айнакөл ауылының жалпы орта білім беретін мектебі" коммуналдық мемлекеттік мекемесі
Коммунальное государственное учреждение "Общеобразовательная школа села Айнаколь отдела образования по Буландынскому району управления образования Акмолинской области"
“Заң және менің қүқығым” интерактивті сабақ.
04.11.2025
«Адал азамат» бірыңғай тәрбие бағдарламасы аясында Айнакөл ауылының жалпы білім беретін мектебінде «Заң және менің құқықтарым» атты интерактивті сабақ өткізілді.
Сабақтың мақсаты – оқушылардың құқықтық мәдениетін қалыптастыру, заңға құрметпен қарауды және өз іс-әрекетіне жауапкершілікпен қарауды үйрету.
Іс-шара барысында оқушылар ойын және танымдық тапсырмалар арқылы Қазақстан Республикасының Конституциясы мен Бала құқықтары туралы Конвенцияда бекітілген негізгі құқықтар мен міндеттермен танысты. Дискуссиялар, жағдаяттық тапсырмалар және шағын ойындар арқылы балалар құқық пен міндетті ажыратуды, өмірлік жағдайларды талдап, заңды шешім табуды үйренді.
«Мен – азаматпын» бөлімі ерекше қызығушылық тудырды. Бұл бөлімде оқушылар қоғамның жауапты мүшесі болудың маңызын талқылап, «Өз құқықтарыңды білесің бе?» атты викторинаға қатысты.
Сабақ соңында қатысушылар «Құқықтар ағашын» безендіріп, жапырақтарға өздерінің ең маңызды құқықтары мен әділ әлемге арналған тілектерін жазды.
Мұндай іс-шаралар оқушылардың құқықтық санасын, азаматтық ұстанымын қалыптастырып, заң – жазалау емес, қорғау құралы екенін түсінуге көмектеседі.
Просмотров: 11